ନୂଆଦିଲ୍ଲୀ/ତେଲ୍ ଅଭିଭ୍: ଫେବୃଆରୀ ୨୫ରୁ ପ୍ରଧାନମନ୍ତ୍ରୀ ମୋଦିଙ୍କ ୨ ଦିନିଆ ଇସ୍ରାଏଲ୍ ଗସ୍ତ

ଫେବୃଆରୀ ୨୫ରୁ ୨୬ ତାରିଖ ପର୍ଯ୍ୟନ୍ତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଐତିହାସିକ ଇସ୍ରାଏଲ୍ ଗସ୍ତ ପୂର୍ବରୁ ଦୁଇ ଦେଶ ମଧ୍ୟରେ ଥିବା ବନ୍ଧୁତାକୁ ନେଇ ବେଶ୍ ଉତ୍ସାହିତ ଅଛନ୍ତି ଇସ୍ରାଏଲ୍ ପ୍ରଧାନମନ୍ତ୍ରୀ ବେଞ୍ଜାମିନ୍ ନେତାନ୍ୟାହୁ। ଏହି ଗସ୍ତକୁ ଦୁଇ ଦେଶ ମଧ୍ୟରେ ଏକ ଶକ୍ତିଶାଳୀ ମେଣ୍ଟ ବୋଲି ଅଭିହିତ କରିବା ସହ ନେତାନ୍ୟାହୁ ପ୍ରଧାନମନ୍ତ୍ରୀ ମୋଦିଙ୍କୁ ନିଜର ବ୍ୟକ୍ତିଗତ ବନ୍ଧୁ ଏବଂ ଭାରତକୁ ଏକ ବିଶ୍ୱ ଶକ୍ତି (Global Power) ଭାବେ ବର୍ଣ୍ଣନା କରିଛନ୍ତି।

ବ୍ୟକ୍ତିଗତ ବନ୍ଧୁତା ଓ ଦୃଢ଼ ସମ୍ପର୍କ

ସୋସିଆଲ ମିଡିଆ ପ୍ଲାଟଫର୍ମ ‘X’ରେ କ୍ରମାଗତ ପୋଷ୍ଟ କରି ନେତାନ୍ୟାହୁ କହିଛନ୍ତି ଯେ, ସେ ଏବଂ ପ୍ରଧାନମନ୍ତ୍ରୀ ମୋଦି ବହୁ ସମୟରେ ଫୋନରେ କଥା ହୁଅନ୍ତି ଏବଂ ପରସ୍ପରର ଦେଶ ଗସ୍ତ କରନ୍ତି। ପୁରୁଣା ସ୍ମୃତିକୁ ମନେ ପକାଇ ସେ ଲେଖିଛନ୍ତି, “ଆମେ ଏକାଠି ମେଡିଟେରାନିଆନ୍ (ଭୂମଧ୍ୟସାଗର) କୂଳରେ ପାଦ ଭିଜାଇଥିଲୁ। ସେବେଠାରୁ ମେଡିଟେରାନିଆନ୍, ଗଙ୍ଗା ଏବଂ ଜୋର୍ଡାନ ନଦୀରେ ଅନେକ ପାଣି ବହିଯାଇଛି, କିନ୍ତୁ ଆମ ସମ୍ପର୍କ ଆହୁରି ମଜବୁତ ହୋଇଛି।”

This morning, at the opening of our Cabinet meeting, I spoke about the historic visit of my dear friend, Prime Minister @narendramodi, to Israel this coming Wednesday. 🇮🇱🤝🇮🇳

The bond between Israel and India is a powerful alliance between two global leaders. We are partners in… pic.twitter.com/8cW2ltKdzK
— Benjamin Netanyahu – בנימין נתניהו (@netanyahu) February 22, 2026

କନେସେଟ୍‌ରେ ଭାଷଣ ଦେବେ ମୋଦି

ଆସନ୍ତା ବୁଧବାର ପ୍ରଧାନମନ୍ତ୍ରୀ ମୋଦି ଇସ୍ରାଏଲରେ ପହଞ୍ଚିବା ପରେ ସେଠାକାର ସଂସଦ ‘କନେସେଟ୍’ (Knesset)ରେ ଉଦବୋଧନ ଦେବାର କାର୍ଯ୍ୟକ୍ରମ ରହିଛି। ଏଥିପାଇଁ ନେତାନ୍ୟାହୁ ସମସ୍ତ ସାଂସଦଙ୍କୁ ଉପସ୍ଥିତ ରହିବାକୁ ଅନୁରୋଧ କରିଛନ୍ତି। ସେ କହିଛନ୍ତି ଯେ, ଗତ କିଛି ବର୍ଷ ମଧ୍ୟରେ ଇସ୍ରାଏଲ ଏବଂ ବିଶ୍ୱର ଅନ୍ୟତମ ଶକ୍ତିଶାଳୀ ଦେଶ ଭାରତ ମଧ୍ୟରେ ଯେଉଁ ସ୍ୱତନ୍ତ୍ର ସମ୍ପର୍କ ଗଢ଼ିଉଠିଛି, ଏହି ଗସ୍ତ ତାହାର ଏକ ପ୍ରତିଫଳନ।

This week, expression will be given to the special relationship that has been forged over recent years between Israel and the global power that is India, and between myself and its leader, Prime Minister @narendramodi.
— Prime Minister of Israel (@IsraeliPM) February 22, 2026

ଏହି କ୍ଷେତ୍ରରେ ହେବ ଗୁରୁତ୍ୱପୂର୍ଣ୍ଣ ଚୁକ୍ତି

ଏହି ଗସ୍ତ ସମୟରେ କେବଳ କୂଟନୈତିକ ସମ୍ପର୍କ ନୁହେଁ, ବରଂ ଆଧୁନିକ ଜ୍ଞାନକୌଶଳ ଉପରେ ମଧ୍ୟ ଗୁରୁତ୍ୱ ଦିଆଯିବ। ବିଶେଷ କରି:

ଆର୍ଟିଫିସିଆଲ୍ ଇଣ୍ଟେଲିଜେନ୍ସ (AI): କୃତ୍ରିମ ବୁଦ୍ଧିମତା କ୍ଷେତ୍ରରେ ମିଳିତ ସହଯୋଗ।
କ୍ୱାଣ୍ଟମ କମ୍ପ୍ୟୁଟିଂ: ଭବିଷ୍ୟତର ପ୍ରଯୁକ୍ତିବିଦ୍ୟା ପାଇଁ ରଣନୀତି।
ସୁରକ୍ଷା ଓ ପ୍ରତିରକ୍ଷା:ଦୁଇ ଦେଶ ମଧ୍ୟରେ ସାମରିକ ସହଯୋଗକୁ ଅଧିକ ବ୍ୟାପକ କରିବା।
ନବୋନ୍ମେଷ (Innovation): ଷ୍ଟାର୍ଟଅପ୍ ଏବଂ ନୂତନ ଉଦ୍ଭାବନ କ୍ଷେତ୍ରରେ ପାର୍ଟନରସିପ୍।

ନେତାନ୍ୟାହୁଙ୍କ କହିବା ଅନୁଯାୟୀ, AI ଏବଂ କ୍ୱାଣ୍ଟମ କେବଳ ଭବିଷ୍ୟତ ନୁହେଁ, ବରଂ ଏହା ବର୍ତ୍ତମାନର ଆବଶ୍ୟକତା। ଏହି କ୍ଷେତ୍ରରେ ଭାରତ ଓ ଇସ୍ରାଏଲ ବିଶ୍ୱର ନେତୃତ୍ୱ ନେବାକୁ ଲକ୍ଷ୍ୟ ରଖିଛନ୍ତି।

Thank you, my friend, Prime Minister Netanyahu.

I fully agree with you on the bond between India and Israel as well as the diverse nature of our bilateral relations. India deeply values the enduring friendship with Israel, built on trust, innovation and a shared commitment to… https://t.co/snGra7RB3g
— Narendra Modi (@narendramodi) February 22, 2026

ଗସ୍ତର ପୃଷ୍ଠଭୂମି: ‘ବୋର୍ଡ ଅଫ୍ ପିସ୍’

ପ୍ରଧାନମନ୍ତ୍ରୀ ମୋଦିଙ୍କ ଏହି ଗସ୍ତ ଏଭଳି ଏକ ସମୟରେ ହେଉଛି, ଯେତେବେଳେ ଫେବୃଆରୀ ୧୯ରେ ‘ବୋର୍ଡ ଅଫ୍ ପିସ୍’ (Board of Peace) ବୈଠକ ଅନୁଷ୍ଠିତ ହୋଇଯାଇଛି। ଆମେରିକାର ପୂର୍ବତନ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ଗାଜା ଶାନ୍ତି ଯୋଜନା ଆଧାରରେ ଗଠିତ ଏହି ସଂସ୍ଥାରେ ଏବେ ପ୍ରାୟ ୩୫ଟି ଦେଶ ସାମିଲ ହୋଇଛନ୍ତି। ବିଶ୍ୱ ଶାନ୍ତି ଏବଂ ଆଞ୍ଚଳିକ ସ୍ଥିରତା କ୍ଷେତ୍ରରେ ଭାରତର ଭୂମିକାକୁ ଇସ୍ରାଏଲ୍ ଅତ୍ୟନ୍ତ ଗୁରୁତ୍ୱପୂର୍ଣ୍ଣ ମନେ କରୁଛି।

ପୂର୍ବରୁ ୨୦୧୭ ମସିହାରେ ନରେନ୍ଦ୍ର ମୋଦି ପ୍ରଥମ ଭାରତୀୟ ପ୍ରଧାନମନ୍ତ୍ରୀ ଭାବେ ଇସ୍ରାଏଲ ଗସ୍ତ କରି ଇତିହାସ ରଚିଥିଲେ। ଏହା ତାଙ୍କର ଦ୍ୱିତୀୟ ଇସ୍ରାଏଲ ଗସ୍ତ, ଯାହା ଦୁଇ ଦେଶର ସମ୍ପର୍କକୁ ଏକ ନୂଆ ଶିଖରକୁ ନେଇଯିବ ବୋଲି ଆଶା କରାଯାଉଛି।